2020-3-16新增新冠肺炎

2020-3-16起床第一件事，澳門新增案例⋯

澳門算係國際城巿，有好多唔同國籍嘅人，#COVID19 （#新型冠狀病毒肺炎、#武漢肺炎）於國際上仲係處於爆發期，千祈唔好鬆懈，非工作需要者不外遊。

明白旅遊業係屬於寒冬期，其實只要減少人口流動，各行各業都一樣咁慘淡，唔係要刻意針對某人或者某行業，醫學就係咁樣一回事，只要減少人口親密接觸，患病者由身體產生抗體，先有效斷開病毒傳播鏈。

因為病毒已成功擴散全球，人類可能要作最壞打算：1、等幾年後等到全球七成人類有抗體；2、如流感一樣每年定期大爆發。

防疫措施唔講喇，已經講超過一個月，明顯多人鬆懈。對於唔肯做正確防疫措施嘅人，我引用返Inslee州長嗰句說話：「You might be killing your grandfather if you don't do this」，用成語講即「玉石俱焚」，用廣東話講即係「全民攬炒」，希望大家明白事件嘅嚴重性。