都幾唔鍾意自己啲筋「咁緊」，尋日左腳鈎完個gemini之後就一直抽住，按完+瞓咗一晚都唔鬆，基本上知道扯傷咗，呢種情況之下，唔等嘎喇，直接落針鬆會康復得快啲。 維他命&蛋白質都有補充，但始終年紀大，要操返一輪先可以操返起個體能。 運動嘅損傷，有時係完全無做錯任何嘢（動作啱，熱身同放鬆都有做），肌筋膜彈性唔夠，就係會傷。 #運動之日常 #針灸 #運動傷害修復 #澳門中醫 #澳門女中醫

個個剩係識椎間盤突出症，其實門診好常見腰椎前滑脫、椎管狹窄&骶髂關節錯縫。 骶髂關節錯縫最易醫，調正骨盆、理順對長腳，症狀就會消失，但容易復發，歪慣咗就會經常歪，所以整脊以外，要勤練腹力&核心，戒翹腳，練好髖同大小腿。 後生多見椎間盤突出症，熟齡多見腰椎前滑脫，康復方向係相反，一個係做體前屈、另一個係做體後伸，做錯會加重症狀，老實講門診見過做瑜伽、伸展錯嘅病人，做要係「老手」做咗運動過十年，而現實中，歐陽醫生自己上運動堂大班，都見到熱身教錯嘅導師、動作練錯嘅學員，錯嘅動作係令症狀加重嘅致命傷，鍾意運動嘅人，必須了解正確運動方式，門診唔太密集嘅日子，都歡迎大家同歐陽醫生交流，可以幫助你糾正錯誤嘅地方。 椎管狹窄就棘手啲，康復最慢亦最難，而骶管囊腫，都係棘手嘅，但，棘手唔代表無得醫，但必須有足夠嘅恒心同時間去治理，少則半年，多則一年。囊腫起因不明，只能通過整脊調曲，理筋通絡嘅方法，將症狀緩解或解除，門診收效不良，可以考慮手術，但可以行走情況下，都係以門診治療為優先，因為任何手術都會帶黎創傷同風險甚至後遺。 #腰腿痛 #椎間盤突出症 #椎體前滑脫 #椎

熟齡人士，下肢痹痛麻木，無法長久行走，多見椎間盤滑脫，趴底俯卧明顯見到腰有凹陷（可以摸到），X光見「階梯徵」。可依據椎弓解離（椎弓狹部裂）情況分為真滑脫及假滑脫。 治療目的係穩定腰椎，盡量將滑脫復位。針灸、整脊、物理治療、運動康復甚至手術，都係有效嘅治療方案。...

好靚嘅CT三維重建。 私人中醫生最麻煩嘅地方係，就算對病人開咗驗單，要求咗，都無幾多個肯拎到報告返黎，更何況質量好嘅報告。 牽涉神經症狀、頭暈等，最好跟醫囑作相關檢驗，有報告，先可以具體知道疾病嘅位置，係椎體引起，定係椎間盤引起，定或係椎管有問題。有報告，治療嘅精凖度會加強...

長期勞損，肌肉會繃緊變成「結節」，可以做推拿、伸展。 但針刺係一個絕佳嘅選擇，不論深層淺層都可以放鬆到，行針手法係快針慢針都可以，快刺快出係即時解結，留針可以慢慢放鬆肌肉，慢慢感受到氣嘅流動，即係有酸爽放鬆嘅感覺。 #針刺 #針灸 #澳門中醫 #澳門女中醫 #痛症防治 #保健

70-95%都巿人受脊椎病或急慢性痛症困擾，長期不良坐姿、長期間坐位工作等係引起脊椎病嘅重要因素。 成年18歲前，肌肉韌帶柔軟度高，椎間盤水分充盈，骨質增生未開始，只會覺得肌肉繃緊，唔會覺得痛，所以忽略就診，家長多數因為急性扭傷帶孩子就診，治療期間先發現脊椎問題。...

膝頭痛，門診檢查合併有功能性長短腳嘅佔多數（可以理解為骨盆偏歪），一般係長腳嗰邊會痛。 歐陽醫生門診係腰膝踝綜合調整，針灸、推拿、中醫整脊嘅方法都會用到。 網上有好多教學調正骨盆， https://sport.heho.com.tw/archives/21096...

有啲骨形天生係會易啲痛，中醫處理係整脊、推拿、針灸、熱療、活血化瘀、袪濕。 當然，西醫都有佢嘅處理方式，科普： https://www.edh.tw/article/30382 #澳門中醫 #澳門女中醫 #整脊 #針灸 #推拿 #圖片取自連結 #尾骨痛

骨關節無錯縫，肌肉一般唔會經常酸痛，最安全嘅方法係主動運動，自行拉伸，無外力干預，無咁易造成牽拉傷。 如果出現麻痺、刺痛，可能傷及神經；如果出現頭暈、注意力分散、耳鳴、視物模糊，可能壓逼血管；如果出現肌肉萎縮、肢體沈重乏力，有可能傷及脊髓。（科普，頸椎病分型：...

年紀大咗必須依靠少少化妝技巧，膠原蛋白、脂肪流失，肌肉韌帶老化，會變凹顯老，凹咗落去就要用亮色遮瑕將之提升填平。 突出黎嘅眼袋係最難遮，快嘅可以做手術切除，唔嫌慢唔怕痛或輕微瘀黑可以賞試面部針灸，面針可以做到縮小眼袋（無咁向外凸）、減淡色斑（一個月左右起效）、協助留住（或增...

門診病人會「投訴」醫生落針太狠心，坦白醫生對待自己都係一樣，還好吧，醫生自己頂得順嘅針法先會用喺病人身上。 　　針灸係享受療效，唔係享受過程，過程中多少產生疼痛，但痛感絕對比疾病帶黎嘅痛楚輕。 #休診之日常 #自己針灸保健 #澳門中醫 #澳門女中醫

歐陽醫生經常講，人體九大系統中，肌骨病（屬運動系統）係最易醫嘅，應份要醫好，腫脹就做消腫、瘀黑就活血、錯位就復位、繃緊結節就做鬆解、過度鬆弛就補營養加運動（亦屬健脾補氣之中），肌骨病係睇得見嘅病，亦係立竿見影嘅療效，有心醫一定醫得好。例如踝關節扭傷，一定做好關節復位，否則幾...

歐陽醫生自己本人好鍾意針灸，多數因為忙同懶，幫自己針嘅頻率唔高。 　　礙於討厭條木偶紋與法令紋，終於喺2024年即係今年，做面針美容，驚喜嘅係，針咗兩次，條木偶紋就短咗一半（2024年圖），對比返舊年，木偶同法令都減得唔錯（2023VS2024圖），8月1日至今日（9月18...

跌傷，運動如跑步、武術、足球、籃球、排球、羽毛球等等，都有機會傷害十字韌帶，患者受傷時一般會聽倒「啪」一聲。 十字韌帶受傷分三級，一級：有傷但韌帶基本影像完整、二級：不完全撕裂，韌帶損傷30-70%、三級：韌帶完全斷裂。...

脊椎病真係好普及，如果忽視，漸漸地就會演變成慢成痛症。 圖中病例：16歲，寒背（胸椎後突）、長短腳（骨盆偏歪、失能） #希望大家多關懷脊椎 #減少痛症發生 #脊椎靚體態自然靚 #澳門中醫 #澳門女中醫 #門診之日常 #針灸 #痛症 #中醫整脊

病人都有個迷思，點解明明無做過啲咩特別，但係會受傷。 急性損傷，係人都明，如跌、挫、扭、碰傷。 慢性損傷，俗稱叫勞損，係由重複性動作、骨關節錯縫、韌帶老化、筋膜繃緊等引起。 兩者都會引起身體炎症，但消炎止痛藥，只對急性損傷有效，慢性損傷，需要補充營養素。中藥，不論外敷內服，...

曾經與同業嘅對話，同業話診所好多椎間盤突出症，日日都有。歐陽醫生嘅門診經驗係相反嘅，門診椎間盤突出症其實唔多，一年只有幾例，原因係急性劇痛，多數會向醫院求診，甚至到國內、香港就醫，留本地私人中醫診所就診嘅唔多。 「門診日日都有腰痛病人，但由椎間盤突出而引起嘅，其實甚少。」...

寒濕體質，係適宜艾灸嘅，做嘅時候注意通風、注意時間控制喺10-30分鐘內，唔好灼傷就可以。 古時追求灼傷，起泡灸、化膿灸（又稱疤痕灸）都係灼傷嘅反應，現今世代盡量唔好灼傷皮膚，免得處理傷口或提防繼發感染。 門診有留意歐陽醫生甚少用艾，主要係醫生比較執著，要辨證啱用先會用，即...

小顏術 因為歐陽醫生有做整脊，所以病人查詢有無提供「小顏術」。 歐陽醫生有提供正骨服務（可以理解為整脊、骨盆前傾治療、長短腳治療、拗柴復位等），小顏術並無提供，因為頭、面骨，醫學上面屬於不可動關節。 醫學角度，頭、面骨喺1歲半之後就會將⻣縫閉合（即腦囟閂埋），基本上唔存在可...

感冒後時有出現中耳炎、耳聾，可以由細菌引起、亦可由病毒引起。 中醫治療多用清熱、袪風、開竅、通絡、排膿、利水、通絡等藥物（國醫用藥分析：陈晨,史军,朱慧兰,等.国医大师干祖望治疗分泌性中耳炎用药规律分析[J].湖南中医药大学学报,2022,42(04):521-527.）毫...