年紀大咗必須依靠少少化妝技巧，膠原蛋白、脂肪流失，肌肉韌帶老化，會變凹顯老，凹咗落去就要用亮色遮瑕將之提升填平。
突出黎嘅眼袋係最難遮，快嘅可以做手術切除，唔嫌慢唔怕痛或輕微瘀黑可以賞試面部針灸，面針可以做到縮小眼袋（無咁向外凸）、減淡色斑（一個月左右起效）、協助留住（或增加）膠原蛋白（淚溝位會脹返起少少無咁凹）、提升輪廓、平衡左右兩邊線條。
中醫有埋線嘅，但始終算侵入性，風險比較高，歐陽醫生門診無提供呢種項目，只提供針灸同手法治療。
當然，飲食營養、充足水份同睡眠，適當運動同減輕壓力都好重要。
希望大家都可以變靚靚，保住美麗動人嘅時光。
Comments