曾經與同業嘅對話，同業話診所好多椎間盤突出症，日日都有。歐陽醫生嘅門診經驗係相反嘅，門診椎間盤突出症其實唔多，一年只有幾例，原因係急性劇痛，多數會向醫院求診，甚至到國內、香港就醫，留本地私人中醫診所就診嘅唔多。
「門診日日都有腰痛病人，但由椎間盤突出而引起嘅，其實甚少。」
「椎間盤突出。不。等。於。椎間盤突出症」，請大家務必理解，話骨刺篤住你痛嗰啲都係假嘅。
40歲以上椎間盤突出症罕有發生，反而骨性關節炎多見。
—————————————————————————
唔同醫生，面向唔同群眾，有著唔同經驗，會有唔同理解。
正如正常通關後，有同業話病人少咗。幾方面原因，一係病人可以正常旅行，多去旅行，開心咗，病痛自然少咗；二係多咗出大陸推拿按摩，內地正式開放咗私人醫療營業執照，所以私人醫生多咗好多，有病人同歐陽醫生分享中醫生推拿按摩唔洗三百蚊（人仔），係按得好嘅，但以正式收費黎計，治療性質針推加埋其實貴過澳門，病人唔係羊牯，消費者都係精明人，會按返性價比去取捨，另外仲有病人同歐陽醫生分享大陸整牙、整脊等經驗；三係病人真心忙，所有工作如常後，要追趕停擺三年嘅工作進度，跟本無乜時間睇醫生。
歐陽醫生係堅信只要用心對待病人、做好醫療服務，病人只會累積多咗唔會少咗。
—————————————————————————
Comments