歐陽醫生經常講，人體九大系統中，肌骨病（屬運動系統）係最易醫嘅，應份要醫好，腫脹就做消腫、瘀黑就活血、錯位就復位、繃緊結節就做鬆解、過度鬆弛就補營養加運動（亦屬健脾補氣之中），肌骨病係睇得見嘅病，亦係立竿見影嘅療效，有心醫一定醫得好。例如踝關節扭傷，一定做好關節復位，否則幾個月後仍然唔消腫唔止痛。
唔同內分泌、免疫病，纏綿難癒，可能要終身調節。
註：
人體九大系統，即1運動系統、2消化系統、3呼吸系統、4泌尿系統、5生殖系統、6內分泌系統、7免疫系統、8神經系統和9循環系統。
近排太忙，無乜時間整理中西醫嘅醫療科普文章，再過一段時間，下年開始，2025年起一切會回恢正常，好抱歉近來無寫出太多有質量嘅醫療博文。
Comments