正骨

骨關節無錯縫，肌肉一般唔會經常酸痛，最安全嘅方法係主動運動，自行拉伸，無外力干預，無咁易造成牽拉傷。

如果出現麻痺、刺痛，可能傷及神經；如果出現頭暈、注意力分散、耳鳴、視物模糊，可能壓逼血管；如果出現肌肉萎縮、肢體沈重乏力，有可能傷及脊髓。（科普，頸椎病分型：https://embracehealth.hkbu.edu.hk/html/eclassroom_book_detail.php?bookid=28&sectionid=191&id=1314）

正骨同時必須配合肌肉放鬆，否則容易引起撕裂或出腫滲出，絕對唔可以用蠻力。有壓逼神經或血管症狀人士，正骨前必須完成體格檢查及實驗室檢查（X光或CT，與MRI）。

神經症狀唔係幾日內發生，必定係經常酸痛疲累，使用藥膏藥油緩解，或經按摩推拿不當後，日積月累先會出現重症。

正骨傷害新聞時有發生，請大家務必正視身體發出嘅酸痛警號，正確處理勞損及傷患。