靚抽

靚抽

喂，今日唔係唔把握靚抽卦？

講咗九千次，講到口臭，要戴外科口罩，外科口罩要有認證，外層要防水、中層要隔微粒，最少要BFE95%或KF94以上，或者寫住PM2.5。

注意，濕咗或消毒重用，絕對會破壞口罩嘅濾過率，即是消完毒個口罩基本上廢咗。某議員鼓勵大家拎個口罩去蒸，無他嘅，本身個口罩濾過率都唔合格，拎去蒸完，一樣都係一個唔合格嘅口罩，起碼，口水味會減咗囉⋯

7少陣當幫忙，拜託，謠言滿天飛嘅網絡年代，唔好再增加垃圾資訊嘅流動喇，唉，一罩難求，我自己都缺貨，鬼咩，爛鬼醫生仔一名，係無牙力叫貨嘎喇，我頂多都係教人攝多塊消毒紗布隔下口水，勉強延長下個一次性口罩使用時數咋，唉，嗰日教書，學生都睇住我換咗兩塊tempo，講書講足兩個鐘，張紙巾係濕到淋⋯如有有感冒，半個鐘就好換塊紗布喇。當然，有錢有合格口罩有貨，梗係每幾個鐘換個新口罩啦。

😰睇住啲人搬去皇庭，雖然係可以為拆遷鋪路，而，藥商電話打極都唔通，我都好擔心疫情發展，希望他日我唔洗一個口罩用幾日😢，供貨盡快恢復正常啦，ebay都炒到成千蚊盒口罩，醫生仔人工唔高，買唔起口罩時會休診嘎喇。

期待疫苗早日出台，疫情早日散去。