輕症係對比肺炎叫輕症，有部份嘅人係無症狀，免疫系統唔起反應嘅人就自然無症狀，亦會有部份人要等多一排等到病毒量高先有症狀，所以會有無症狀轉確診。相反，免疫系統未成熟就可能引起免疫風暴，即MISC（多系統炎症綜合症），即兒童多見。
COVID-OMICRON 嘅輕症，發起病上黎係似流行性感冒，唔係普通感冒，症狀係有：周身骨痛、頭痛、喉嚨痛似玻璃刮、發燒、辛苦到癱喺床度唔郁得、咳嗽、多痰、口乾等，常見症狀會維持大概2-3日。
如果唔知發病感覺係點，可以睇KOL嘅發病短片，海量。
總結，COVID唔係洪水猛獸，死亡率降咗好多，香港數據係12歲以下嬰幼兒童0.01%、青壯年低於0.04%、50歲以上由0.65%至14.6%，個人體質、長期病患、疫苗接種對死亡率有影響，針對死亡率，熟齡體質係特別要注意，個人衛生要做好。
強烈建議早期確診，快測兩條線，有無症狀都盡力將病毒轉陰，信營養嘅可以補充營養素，信中醫嘅可以用中藥、約中醫視像門診、會派藥，只信西醫西藥嘅就做好自我隔離，獨立房間，多休息，多飲清水，喺屋企都戴口罩唔好感染家人，而家人就要勤消毒家居環境。
Comments