有關口罩，今日收到通知，張外國單被取消了，所以我真係無辦法買到任何口罩了。
＝＝＝＝＝＝＝＝＝＝＝＝＝＝＝＝＝＝＝＝＝
澳門人：請買衛生局口罩，我早兩日都去買咗自己嗰份，盒表面係無寫明濾過率幾多，唔同牌子有厚有薄，但都係三層外科口罩，表層係跣水嘅，政府都講明合格，請放心使用。
＝＝＝＝＝＝＝＝＝＝＝＝＝＝＝＝＝＝＝＝＝
其他買唔倒口罩嘅人：唔好盲搶，盡量少出門己經可以，確實真係要出門，24層紗布口罩、綿口罩外包行山防水面巾，出門速去速回，再唔係，用膠樽DIY，唔好笑，膠面罩真係可以擋飛沫。以上係擋唔倒病毒，但正式有抵抗力嘅人，擋倒大量飛沫已經成功減少接觸病源了。
＝＝＝＝＝＝＝＝＝＝＝＝＝＝＝＝＝＝＝＝＝
無顯示濾過率外科口罩一樣唔保證隔幾多病毒，而有認證濾過率嘅，隨住呼吸濕咗，濾過功能同樣減弱，再者，口罩屬於物理性阻隔，病毒照樣可以由口罩邊經呼吸進入體內。
所以，唔好再執著太多，少出門，勤洗手，唔用髒手接觸五官，手機、鞋底、外套盡量消毒。
飯聚絕對唔建議，除非你食嘢唔除口罩都食倒先去聚。簡單見面講兩句，大家都隔住口罩，無接觸，正常唔會相互傳染，唔洗過份憂慮。
＝＝＝＝＝＝＝＝＝＝＝＝＝＝＝＝＝＝＝＝＝
有關酒精搓手液，朋友今日最新消息，酒精都被政府徵用，應該係留俾前線人士使用，所以買唔倒原料。
如果有朋友係做前線工作，每日接觸大量外來人士又無條件洗手嘅，私聊我，我分埋我僅有嘅俾你，要自備細樽分裝。
合規格有測試報告嘅酒精搓手液，暫時都無貨可供銷售，有貨再發文通知大家，感謝🙏
＝＝＝＝＝＝＝＝＝＝＝＝＝＝＝＝＝＝＝＝＝
感謝關注！
Comments