條氣唔順點樣算？

都巿人生活壓力大，久坐，久立，運動時間少，好容易產生情緒問題、慢性痛症，中醫所謂之「氣滯」或「不通」

解決方法：針灸，運用特定針法，將十二經絡同奇經八脈通𣈱，好武俠小說哩，無錯，武俠小說絕對有抄考中醫嘅（或者傳統中國哲學）！

門診試過歐陽醫生針灸嘅，會知道係咩一回事，病人描述係：覺得有啲嘢走黎走去，或者似氣球咁脹起又縮返，又或者個肚有腸鳴加劇或放屁等，手腳心出汗等。

解決方法2：打坐，要有效果基本要做到以下描述：初階者坐單盤，平靜呼吸至噯氣、放屁、微汗出、身沈放鬆、慢性痛症地方酸楚後緩解。醫學唔要求宗教色彩。

做到就每日做，入唔倒門就上門診搵我幫你！

歐陽醫生做咗針灸十年，氣機比較容易通暢，一般連續三日，每次15-30分鐘，就可以得到以上效果。初學者可能無咁快得氣，但唔得都千祈唔好心急練到亂！好緊要！千祈唔好亂！

=================================

歐陽妙筠中醫生

簡介：歐陽妙筠——獲准許從事中醫生職業，牌照編號是：W–0296@2009年9月16日。

執業初期兼在時尚界別工作，後期全職投入中醫工作。生活經歷導致外觀無法變成傳統認知老中醫，中醫工作令自身外觀與身體越活越年輕。

格言係：整體綜合治療（偏頗唔係真中醫）。

擅長：針灸、整脊康復、營養醫學。

預約2：致電歐陽醫生

Instagram：consultation.w.dr.m

WeChat：門診掃碼

Recent Posts