關於酒精樽，近日鋪天蓋地發放咗化學博士嘅教學，係用2號樽PE同5號樽PP。
我喺2月初寫咗篇科普寫咗1號PE同5號PP，或者用玻璃樽。
要更正返，PE樽係2號唔係1號。
而關於1號PET樽，我家嘅內地酒精樽係用咗1號PET樽（當日亦實拍同步放咗上黎），而亦無發生黃變硬嘅問題。
搵返一啲塑膠廠嘅資料（見附圖），亦睇咗少少PET嘅特性，主要係講PET嘅透氣性太高，但PET與酒精嘅相溶度亦無太大問題。而喺2014年，意大利廠發明咗密閉性更好嘅PET樽，見以下連結：https://www.plasteurope.com/news/SIPA_t229769/。
故此，裝酒精嘅容器，優先選用玻璃樽，再用5號PP、再用2號PE，如果得返1號PET樽，唔係長期存放（多於1年），亦唔係拎黎飲用，只要樽身無變黃、發白，按道上唔需要太擔心。
基於家中化妝品樽都全數都係1號PET樽，亦有玻璃樽呢，2號樽、5號樽可能要另外買先買倒了。
Comments