全球首個爆發點，係鐵一般嘅事實。
但，作為起源，每個國家都力圖撇清責任。現時根本無統一證據明確道出病毒起源，一切病毒起源均屬於推論，主流兩派起源推卸責任（或指責）。
而中與美雙方亦公開國家級講話或文章去推卸責任：https://m.mingpao.com/pns/中國/article/20200314/s00013/1584125440942/外交部發言人twitter疑美軍武漢播毒-趙立堅帖文引關注-官方稱「病毒源頭有不同看法」
https://youtu.be/ZmJIIovVSbs
～～～～～～～～～～～～～～～～～
今日要寫嘅係歧視問題。歧視，世界上一直未停過，用文明、文化、教育等去包裝，其實一直都假裝唔黎：
種族歧視（如美國黑人總統當選困難）、
年齡歧視（如工作常見問題）、
性別歧視（如荷里活女性片酬問題、印度女性性侵問題）、
殘障歧視（如導盲犬問題）⋯
等等。
肺炎疫情導致全球排華發生加劇，華裔受到無理街頭暴打、嘲笑！人種分類唔係簡單用顏色去區分，唔係單純用黑白紅黃棕黎分類。亞洲人 不等於 華裔 不等於 中國人！
華人唔應該備受歧視！
非中國中央政權管轄嘅華人請勿因此而沾沾自喜，全球排華問題，唔會因爲你持有唔同身份證或國籍，亦唔會因爲你唔講普通話有所不同，排華問題只會單純因為樣貌似華人、似亞洲人、縱使係白裏透紅嘅膚色，只要夾有蒙古人種血統，同樣會被排斥。
今次疫情，近乎全球人類都有責任。傳染病病毒全球大流行，係全球人類一體化嘅結果，每日24小時不停嘅海陸空交通，野生動物交易包括誇國交易等，呢種頻繁活動唔係普通幾隻候鳥或野生動物做得到。
疫情嘅爆發，首發地有責任（缺乏透明度、聲稱可防可控），全球健康首腦組織有責任（刻意公開延後預防時間表、罔顧傳染病科學依據），人類本身（缺乏戒心應對可能發生嘅大流行、公民意識薄弱、公共衛生、預防醫療不足等）。只要繼續呢種生活模式，流行病未來趨勢只有更多更劇烈，（唔單止流行病，慢性疾病亦言）。
只要疫情一日仲係處於廣泛傳播階段，一日都唔可以鬆懈，唔會有任何一個人（或國家）可以幸災樂禍、獨善其身！
#網絡圖片MrMok（https://www.google.com/amp/s/www.bbc.com/news/amp/uk-england-london-51771355）
Comments