中醫生活日常-終身學習
- Melody Doctor of TCM
- Nov 15, 2025
- 2 min read
病人都驚訝歐陽醫生唔休息，只可以講，人自出娘胎起，就無真正咁「休息」，每一日都係活著去活動，去旅行就係休息了嗎？NO，旅行其實係奔波嘅一個過程，只係當中夾雜咗友人嘅活動、美麗嘅風景。
對歐陽醫生而言，外出學習都係一個「休息」嘅過程，唔洗用腦去診斷，可以放鬆雙手唔做手法。
醫生係終身學習嘅職業，前提係你對職業有熱愛，而且擅長，你就會有無限嘅精力走落去。
發掘合適嘅工作，係要不斷去探索自我，搵出自己喜歡嘅、擅長嘅、可以賴以維生嘅，如果三樣都符合，你嘅職業生涯會過得快樂。如果三樣都唔符合，你嘅生命就會過得每日都係行屍走肉。網絡有一個好有趣嘅症狀，叫「硬板凳症候群」，係講人坐在喺一張硬櫈度，越坐個pat越痛，但自我安慰：肯坐肯死頂，就會坐得慣，就會覺得「舒服」喇，但事實係唔係習慣，所以要用其他方式「購買」快樂，舒緩壓力。
歐陽醫生選擇修讀中醫嘅時候，係因為「需要」而讀，全因自小體弱成日病，食西藥唔識好，要食中藥先會好，覺得學識中醫可以幫助自己持型保態（加埋有半額奬學金）先去讀嘅，學士畢業嘅時候，對中醫係無喜好（但唔討厭），唔擅長（素人背景唔係醫學世家），亦唔夠能力維生，都係輾轉喺社會度碌咗十幾年先碌大碌成熟，先可以將中醫變成喜歡，有專長（專科嘅擅長）同可以糊口嘅工作。
門診都不斷對迷惘嘅學生哥講警世錦囊，必須要將自己發掘，路慢慢就可以走出黎。
Comments