口罩簡述：
近日多咗病人咨詢，我想簡單講一下。
點解要用外科口罩？外科口罩分有三層，外層防水（防血），中層隔微粒，裏層親膚吸口水。因為有防血功能，所以可以防埋飛沫，而中層必須說明濾過率達95%以上先有用。口罩質量參差，提提大家近日好多網購炒口罩嘅，無認證來源嘅，未必有效。
而好潮，因韓星帶起，全黑嗰種，要睇質量，一般黑色嗰種口罩係用黎打掃衛生吸塵用，即是係用黎吸住微粒，唔係抵抗飛沫，齋吸唔防，意思係戴住比唔戴更大獲，簡言之係將病源放曬喺口罩直接吸。如果，黑色口罩，說明有四層，係外科口罩中間加多層吸微粒嘅，寫明有防飛沫、防微粒、防病毒、濾過率95%以上，可以買。
因為，無效防呼吸道疾病嘅，淘寶炒唔起，大多仲係原價，或者最多炒到1蚊1個，盡曬力嘎喇，無用嘅嘢商家想炒都炒唔倒幾高。
所以，嚴重缺貨嘅情況下，勉強可以戴一個非防水黑色口罩，外面再戴一個炒餸防油罩（比醫用防血罩短些些），頂住先啦，可以幫助擋住丁丁飛沫嘅，膠嗰個用完記得用酒精、或消毒液清洗，或者用一次即棄。
而布口罩，基本上完全無用，比用一次性黑色嗰種更衰⋯衰過唔戴。
希望資訊對大家有用。
Comments