簡談「能醫不自醫」

簡談「能醫不自醫」

有云「能醫不自醫」，中醫到底可否自醫？答案係睇情況。

外傷被撞炒車，第一時間係報交通、報保險、上醫院、由護士清創、若有必要需要請醫院西醫開單照X光確定骨頭問題，以上係不能自醫，依賴相應專人處理。

但，創傷後康復、骨頭復位，完全係靠自己，自己針灸、做運動康復、針到第四日，伸展肌肉時，喀的一聲復位了，腰腿就沒有麻木了，呢方面屬自醫了。

傷口處理，自行保證沒有感染，粗糙地疤痕收復了。早段時間，一有機會，就報了一個傷口處理的課程，學會如何外傷後不起疤，亦係自醫。

內科調理，會用到中藥與營養，中藥的制取與營養素提取，依賴專家，至於配搭與應用，靠自己。偶爾會用針灸調節。呢度可以算上合作治療。

勞損疼痛，靠自己，針灸、推拿與運動，自己落針、用按摩槍、自身體重牽引與運動康復，盡量自己治療，唔係絕對。

治療，係唔同科目，唔同專長，醫患相方，通力合作完成，唔需要糾纏必須靠誰，只要係應該做，就去做就好了，治療無需過分自我或自負。

每日都堅定志向，同自己講今日再學會多點知識，日積月累下來，醫療廣度與深度都能做到了，共勉之。

祝大家身體健康。

歡迎咨詢。

#能醫#自醫#合作