可以講係好常見嘅事情，除咗黃昏時下肢水腫，特別病如損傷性、過敏性引起局部水腫，或腎臟病、心臟病引起頭面、下肢水腫，或肝硬化腹水等病人會急切求診，一般性輕微水腫，多數病人不自知而缺乏處理。
組織水腫產生原因，教科書內容係，物理學方面：血漿中的蛋白質含量減少或組織液中的蛋白質含量增加，或離子（如納、鉀）、或晶體（如葡萄糖）產生變化，就會兩者滲透壓不等，當組織液的滲透壓增加時就會出現組織水腫的現象。病因係：1、血管內外液體交換障礙，2、體內外液體交換障礙，3、其他原因。
門診時，見針刺後穴位有珠狀水液滲出，可以提示病人水液代謝障礙，可能係脾虛（理解為營養不良、蛋白量減少、肌肉量過少）、氣虛（心肺功能偏弱，如運動過少）、濕阻（代謝病如糖尿、高向血壓、高血脂等）。
針灸、推拿、整脊可以幫助全身水液代謝恢復正常，等於病人感覺針完輕鬆咗、推完瘦咗一圈。加熱排汗都係利水嘅方法，如艾灸、汗蒸、足浴等。中藥同樣可以改善水液代謝，如黃芪-補氣利尿、赤小豆-利水除濕、茯苓-利水滲濕、冬瓜皮-清熱利尿、五加皮-袪風濕利小便等等。
病人自理部份，建議運動加強心肺功能、增加骨骼肌肉量、食好啲補足蛋白質、減鹽飲食等。
Comments