濕

　　但係門診經常見倒陰虛血熱、氣血虛弱（薄苔、光苔、剝苔，脈細數、脈弱）病人話自己濕😑😑😑

　　所以門診習慣唔俾病人講中醫述語，要具體形容出「濕」係一種咩狀態，皮膚爛肉出水？白帶過多？大便軟溏？肢體酸楚重墜？下肢水腫？症狀對唔上、脷苔對唔上、脈象對唔上唔俾話自己「濕」。

　　成年人體結構上，體液佔50-60%，脂肪佔15-29%，約7-9成結構屬於中醫述語中嘅「濕」，稍稍有代謝差少少甚則障礙，都會演化成「濕熱」、「寒濕」、「痰濕」，所以「濕」喺嶺南地區（沿海又濕又熱）中醫辨證上面，的確係萬能key。

Recent Posts