醫家講保險
#保險，已經係城市人唔陌生嘅話題。
但，對保險嘅認識，你又有幾多？
呢篇係以#臨床醫生嘅角度寫嘅，要知道：
1、供款類型：平均供款、增長式供款；限時供斷、終生供款。
2、睇咩醫生：公司代買嘅團體保可以睇門診，私人買嘅一般只能住院。
3、門診用咩：門診一般只能用意外保險，而意外保險只限西醫、物理治療。中醫嘅治療費，少到同零無乜分別，而大家有扭挫傷經驗都知道中醫嘅長處，呢度就唔講。而全份落黎一般保二至四萬左右，視乎購買金額。
4、危疾、住院保：一定要住保單限定醫院，住錯咗分分鐘無得賠，記得上網睇，或者聯繫你嘅經紀。一般黎講，正規公立醫院、高規格醫院（內地叫三甲）不論公私立都可以。
5、理賠表格：填啱理賠單，出院前就準備請醫生填埋最好，若果出院後再跟，有排搞，近年，好多醫院醫生都會問有無保險先收入院。
6、保啲咩：保險係好在乎字眼嘅問題，一字一句都要跟足理賠建議表，理賠建議只有經紀有，表上有寫明咩病按咩比例賠償，唔係表列字眼理賠金額要等最終結果，萬一係0%都無得上訴，交表前要睇清楚。
7、留底：建議病人交表前都影低所有文件留記錄，因為一交上去就無辦法拎返正本。
8、理賠金額：通貨膨脹，廿年前廿年後物價唔同，2020年做個小手術閒閒地1-3萬起跳，住院最簡單都由3萬起，如果講醫重大手術由十幾到百幾萬都有可能，過多廿年後真係要留意物價，份保單仲有無用。https://cancerinformation.com.hk/web/2020/03/31/醫療鎖碎事四-買了醫療保險-安枕無憂？/?fbclid=IwAR2OsayPWO0tLrIXEqBb4eCmvUAj318yp3BPuQW6wTA-X_B0D1r1iiD40FU
～～～～～～～～～～～～～～～～～～
個人經驗：
點解要供呢？純粹買安心。要用嘅機會太低，只係白供。
揀經紀，要先知道經紀目的等同售貨員，目標係抽佣同追數，現實問題唔係講得罪，呢點唔係講緊金融專業問題，但，理賠上你必須靠經紀，佢跟理賠同你自己上門搵理賠絕對係兩回事！所以，經紀要搵相對老實同肯跟後續細節嘅人，經紀求其可能引致保單無法索償。亦係，團體保同非壽險保理賠會激氣啲、煩啲先賠得到錢。
要搵一個值得信賴嘅經紀而唔係絕對依賴經紀，做人一定要依靠自己，自己多了解保單細則，我自己習慣每年回顧下份保單內容，因為，要用嘅時候可能已經六七十歲，幾十年後都唔知要靠邊個了。
Comments