關於流感發燒：
- Melody Doctor of TCM
- Dec 17, 2018
- 1 min read
小兒發燒應該密切關注體溫，小兒疾病傳變快，康復快亦惡化快，物理降溫不果時兼精神異常必須急送醫院，發燒但精神尚可能正常活動，可以觀察，需要時到門診求醫（注意係門診，非急診）。
的確，退燒藥只係阻斷發燒機制，對感染、病毒等情況係毫無幫助，不過可以令人舒服，小兒唔建議自行用藥。成人呢，就算寫幾多講幾多都係㩒唔住自行用藥，希望大家小心掌握，不要輕視情況，發燒必須休息！請務必請病假休息！
至於中藥治療，本人一般會用中藥自行處理，但，好多時半夜三更都唔會搵倒中醫中藥，急切情況都係搵醫院吧。至於感冒成藥，中醫治療比較複雜，感冒要分新舊傷寒熱溫涼燥毒等等，無學過中醫根本唔可能正確用藥⋯陰虛唔用葛根湯、寒症唔用銀翹散、肚疴唔一定用藿香正氣水，希望大家小心用藥，唔好輕視中藥（普遍人都太輕視中藥，一係就藿香正氣水撈頭孢類抗生素搞到中毒、唔係就亂飲山豆根水又係中毒、再唔係就薑茶搞到喉嚨痛⋯見曬報咁，何苦？）
食補之前，先補知識。
何況用藥，用藥必須專業知識。
朋友們，共勉之！
歐陽妙筠中醫生
Comments