暗瘡貼

內分泌差嘅人士，係好容易長期出暗瘡（痤瘡），臨床表現有粉刺、丘疹、膿皰、囊腫等。

治療藥物有抗生素、過氧化苯、水楊酸等，主要方法係保持肌膚清潔、睡眠充足、清水攝入足夠、避免高糖、高脂、辛辣或刺激性食品。

傷口嘅處理好重要，暗瘡膿破後，消毒好用暗瘡貼，就唔容易殘留疤痕及色素沈著。薄邊款式暗瘡貼，個人經驗係最好用，如圖（非廣告，醫生無做代理或代購）。

中醫角度，炎症期以清熱解毒為主，膿頭無法自行推出會加入補氣托膿藥，內分泌失調會化痰、導滯、破癥、解鬱等方法。

食西藥療程比較方便，食中藥療程，就需要長期耐心同配合，就返個人需要而選擇。

#暗瘡貼

#澳門中醫

#澳門女中醫