皮膚乾燥痕癢點處理
入秋後溫度、濕度都下降，肌膚的水分減少、變乾，就容易會出現敏感、不適的病症。可能出現秋季搔癢、唇乾、手腳皮破裂等問題。
中醫嘅理解係陰虛、血虛、血瘀、化熱等問題，主要與肺、脾相關。
營養嘅角度，可能因為不飽和脂肪酸、維他命A,B群,E缺乏有關。
＝＝＝＝＝＝＝＝＝＝＝＝＝＝＝＝＝＝＝＝＝
外治方式，最安全溫和嘅方式，係牛奶浴、冰糖浴。
較為方便嘅做法係，淋浴後趁濕身時，用潤膚乳按摩全身，然後抹身，好處係連水份一同留在皮膚表面作保濕。我門診一般建議用含植物油、甘油、凡士林、維他命、透明質酸等成份，當然無皮膚過敏者，唔需要對成份太作考究。
＝＝＝＝＝＝＝＝＝＝＝＝＝＝＝＝＝＝＝＝＝
內治方法，多食水果、果仁，可以補充維他命與不飽和脂肪酸，痛風人士可少食堅果多選擇低嘌呤深海魚類如三文魚、吞拿魚。
＝＝＝＝＝＝＝＝＝＝＝＝＝＝＝＝＝＝＝＝＝
食物類任你玩，藥療留返俾醫生幫你。如果係皮膚病類，藥膏一樣留俾醫生幫你選擇吧。
上面講咗病理，只要養陰、養血、活血、清熱、袪風嘅方法，都有助改善秋季搔癢症。
Comments