肩周炎

肩關節周圍炎

中醫門診常見病，而且，中醫手段處理療效佳。

痛症，究竟要點醫？

個人臨床經驗：針灸、推拿（理筋）、運動康復、物理治療（中醫有都有佢一套理療方法）、中藥內服、中藥外用，都可以配合用上，方法越多，越顯效。

（跟過歐陽醫生門診都知，呢度唔詳細介紹）

有老師指導肩周炎嘅辨證（如圖），中藥內服，的確可以處理一部分嘅問題，臨床上係值得參考使用嘅，尤其係一啲自我修復能力弱嘅病人（可以理解為虛證），中藥嘅配合絕對係必要（求便捷者可用營養醫學補充品），好多時傷患嘅修復，必要梗係局部代謝良好，但，原料亦好重要，即是話，無水無泥無鋼筋點起到樓？自我能修復能力強嘅（可以理解為氣血足夠嘅人群，但同實證不完全掛鉤，實證某程度上可以理解為發炎階段），唔一定用中藥，用消腫、止痛藥，都已經見效。

個人總結，咩情況下都唔好忘記中醫嘅基礎辨證分析，但，亦唔好過份迷信，肌肉骨骼系統嘅痛症，必需根據主流醫學嘅生理結構、解剖，針灸配合手法治療，先可以立竿見影。

#肩周炎

#肩關節周圍炎

#澳門中醫