論顏色

論顏色

顏色嘅診斷方法，其實中西醫都有，只係，用法上有些許不同。

西醫：如便血，由上消化道出血，會排出黑便、柏油（瀝青）樣便；近肛門口引起嘅，如痔瘡血一般係鮮血。如咯痰，上呼吸道感染，可有白色或黃膿色痰；支氣管擴張、肺膿腫病人長期咯膿性痰；肺水腫病人咯粉紅色泡沫痰；大葉性肺炎病人咯鐵鏽色痰。如陰道分泌物，色黃多為細菌性感染，豆渣或奶酪樣多為真菌性感染。西醫嘅顏色診斷，多用於特定表現嘅病症。

中醫：無論面色、唇色、掌色、分泌物等都可以以顏色辨證。五色五臟有點玄，最最簡單可以形容為：偏向紅色，常叫熱；淡色，常為寒。如，感冒咳嗽時，鼻涕痰色，黃痰黃涕為熱、白痰白涕為寒。如面色，色紅色鮮為熱，色暗色淡色黃為寒。掌色，色紅為熱，色黃色白為寒。而中醫嘅顏色辨證，往往係相對唔係絕對，因為無辦法絕對對應，所以要憑經驗去認識。

中醫的確好易明，但真係好難精。臨床上，我習慣中醫西醫理論都用作解釋，希望等大家更容易理解中醫是甚麼。

中醫四診，顏色就係望診問診嘅重要環節之一，希望大家睇中醫前，稍稍學習了解一下自己嘅分泌物嘅顏色，便於臨床醫生索取證據。

#顏色 #辨證 #中醫基礎 #四診 #望 #問  #寒 #熱 #澳門中醫 #皇朝 #圖片源自網絡