疫情下衍生出大量視像會議，2021年12月5、6號北京國際針灸學術論壇，節錄出幾點：
1、炎性結腸炎-新主穴應用；
2、頰針-王永州發明新針法；
3、程氏針灸-三才刺法；
4、通督啓神針-情緒病治療；
可以喺臨床度搵到一套全新針法，確實難能可貴；臨床應用落黎，將傳統針法深究，刺嘅手法、角度、深度，取穴嘅精準度，舊穴新用，新穴尋找，都係臨床工作時長後必然走上嘅道路。
聽醫學論壇，主要係細心，兩日會議裏面，可以指導自己臨床工作嘅，少起上嚟，可能只係得1-2句說話，及時將說話記錄，方便日後覆查、發掘，先叫做有效嘅學習。
身為受眾、讀者，會將會議能夠提供多少臨床乾貨作為會議質量評定，「北京國際針灸學術論壇」無疑係值得收聽嘅學術論壇之一。
感謝老師提供連結推介收聽。
（亦多謝門診中陪我聽書嘅病人，陪得我最多就係專揀星期日有書聽嗰日先黎門診嘅某君，今次仲分享咗佢嘅工作會議同我地嘅醫學會議有好多類同嘅地方～笑咗）
Comments