又有口罩教學
記得我好耐之前已經教人攝紗布、Tempo。
口罩無得賣，
有人話連紗布無得賣⋯
點知近日連紙巾都搶光埋⋯😓😓😓
========
攝紗布同Tempo技巧係，摺細佢比口罩細，唔外露；紗布比較透氣可以遮鼻同嘴；Tempo最好只遮嘴，因為紙巾擋鼻好難抖氣兼易起毛易致鼻過敏、痕癢。
========
某日，歐陽媽媽送咗三個#布口罩俾我，我睇返，原來台灣醫生有在推喔～
香港全民無罩，台灣7日兩罩，比澳門#1日1罩更悲催，我地要珍惜所擁有。
歐陽媽媽係一名總裁～裁縫嗰個裁，手工真係唔錯，各位巧手媽媽不妨自己試下，梭織透氣又舒服，對#面部過敏人士（#皮膚過敏）有好處，可以一日換兩至三次內層。
========
以上，#外科口罩就成功延長壽命，除戴口罩要掂口罩帶，盡量唔整污糟雙手，如果一罩用幾日，比較理想係搵衣架掛起喺露枱通風處，或者搵乾淨盒合好佢，如果用盒，記得每次清洗消毒先重用！用過嘅外科口罩表層勁污糟～
掂完外科口罩必須即刻清洗雙手！
當然，重用外科口罩用紫外線燈消毒更理想～
記得唔好拎去蒸同炸😫😫😫
========
Comments