門診都經常見到，慢性疼痛，治療過程必須經歷再創傷再修復。身體質素好嘅病人，修復力較好，所以對治療顯效；相反，身體質素差病人，修復能力弱，甚至係身體對損傷完全唔作修復，唔修復嘅程度嘆為觀止，小小嘅腳趾頭拉傷，做治療放鬆後，三個月至半年後仲係維持完本嘅傷勢（有治療過，痛只係稍稍減輕）。
身體質素弱，有慢性痛症，肯留門診堅持醫嘅，比例好低，俗稱叫「睇厭咗醫生」，當中有部分係搵唔啱方法醫。好坦白，歐陽醫生門診中都會遇到一定流失率，會心痛病人無繼續堅持將身體養好，醫生都只能夠將餘睱精力全數放喺肯跟足醫囑嘅病人身上，亦好自信咁講，堅持落黎嘅無一不康復。
身體對損傷完全唔作修復，常見係低蛋白體質（中醫多叫脾虚，甚至腎虛）、貧血體質（中醫血虛，就算唔係貧血，血紅蛋白、紅細胞量都只係臨界合格）、慢性炎症（中醫嘅熱）、過敏性（中醫嘅風）或代謝異常體質（中醫嘅濕或瘀）相關。
醫生都努力調整治療方法，希望更好地將呢類病人體質調升，體質唔調升，慢性痛症難以根治（斷尾）。
Comments