《新型冠狀病毒感染肺炎防護讀本》
收到好耐，因為返工在忙，未有時間睇，睇完即share出黎。
係2019新型冠狀病毒預防小冊子。
特別要提一下，入面寫嘅中藥，並。唔。係。用。黎。治療武漢肺炎，入面寫好係俾陰虛，或陰虛體質夾有腸胃濕熱嘅人。
注意出門要戴外科口罩，勤洗手，洗手用流動清水加梘，洗唔倒手用酒精搓手液，無急事不出門，靜待疫情退去。
＝＝＝＝＝＝＝＝＝＝＝＝＝＝＝＝＝＝
成日有好多謠言，短片或錄音流出，話老中醫教你點點點，一舊蒜頭醫好咳同痰，仲要一日，唔係信呀？唔該唔好侮辱自己智商，中醫就係成日俾人抽水，抽到俾人歧視加無曬公信力，中醫都係醫生，有正式學位同醫療知識，中西醫療知識都有學嘅！
仲有啲教人洗完手又要用酒精搓手，多X餘，唔好浪費酒精，消毒物資好短缺！拖地、抹屋、消毒渠管，麻煩用返稀釋漂白水、或含氯消毒片，平好多！確實無買到消毒片，煲滾水拖地都得，因為病毒攝氏53度就可被殺死。
有條片一開始稱呼武漢肺炎係「呢隻菌」，你就識得分辨講嘢嗰個唔係醫學嘅專業人士喇卦？今次係「病毒」，改咗名叫「2019新型冠狀病毒」！
仲有教人洗頭要向後⋯洗頭合埋對眼咪得囉，本來人體嘅眉毛、眼睫毛就係有擋雨水嘅作用，加埋合埋眼，同樣擋倒洗頭嘅水同泡⋯長者洗頭、沖涼，最好係坐櫈仔，防跣防跌，淋浴慳水又衛生。
屋企真係會有好多長者唔理智，大家清醒嘅就耐心提下佢地少啲俾人呃啦。
＝＝＝＝＝＝＝＝＝＝＝＝＝＝＝＝＝＝
下載網址：http://bit.ly/2t1TqSj
《新型冠狀病毒感染肺炎防護讀本》
國際書號978-962-14-7194-9
＝＝＝＝＝＝＝＝＝＝＝＝＝＝＝＝＝＝
Comentários