正確使用精油
我一向都講我唔反對植物用藥，加上我本身係中醫。
精油滴落口罩度會破壞口罩過濾功能，即係廢個口罩武功，唔係誇張，一次性外科口罩，只係濕咗口水，已經被破壞。
真係好鍾意聞精油嗰種人，注意兩點，戴精油頸鏈，淘寶廿蚊可買一條（附圖），無咁點算？搵粒乾棉球滴幾滴上去，同樣有擴香效果。將嗰粒香球放喺口罩外面，聞得到嘅距離去聞囉。
必須注意，精油必須指純植物提取嗰種，香精有高度致癌性！所以必須注意來源。
精油要對症用，用啱必定有舒緩作用，壓力大就瞓覺嗰陣聞減壓油，睇多啲書睇多啲資料，薰衣草都有幾種，有化痰、有舒緩情緒，用錯就無效；退燒咪用退燒油搽身囉；黃痰用清涼嘅化痰油；白痰咳嗽，要用辛溫嘅止咳油；記得精油刺激性好大，要稀釋使用；唔推薦內服，入膠囊都唔推薦；嬰幼兒咪用，一歲以下唔鼓勵用，提防肝捐、提防神經毒性。
Comments