唔少病人都問，點樣落針先落得準。
作為常用針嘅臨床中醫生，首要條件係識幫自己針識自救，只要針過，你先知針落去嘅感覺係點，同病人感同身受，同理心好重要。
其他，當然係要熟悉穴位、經絡、人體解剖啦。
痛症好奇怪，傷咗嘅軟組織，唔識自己康復，或者可以講係不完全修復，尤其成年後，過埋壯年修復力又變差啲。
有啲傷係唔推唔鬆，即係話齋針無效；
有啲傷係唔針唔鬆，既係話齋推無效；
有啲傷要練力，既係運動康復，中醫有硬氣功、武術。
有啲傷係要伸展，中醫有易筋經；
有啲傷係要整脊或正骨，中醫指整體觀念，骨肉並治。
有啲傷係要通經絡氣，中醫指病已入絡；
有啲傷係要加服中藥，中醫指體虛、或瘀塞太重、或病入臟腑。
臨床工作要做好，係好難嘅事，所以，你地一般都見到好嘅醫生都好勤力，唔係上堂就進修，再唔係就係一班行家做研討。
Comments