肺花？
- Melody Doctor of TCM
- Mar 17, 2020
- 2 min read
以前無點聽過，但依家聽多咗？
新聞經常講嘅#肺花！
正常嘅肺部應該係柔軟有彈性，肺泡似氣球，不斷放大、縮少去換氣，就係呼吸嘅動作，吸氣嘅時候胸骨、肋骨會升起，呼氣時胸、肋會回縮。肺花（纖纖化）、質地變硬咗，就無辦法正常收縮，換氣功能做唔到，吸唔倒氧氣、排唔出二氧化碳，身體就缺氧，亦係新聞報導肺花後無法跳起，離地頂多1cm。
肺嘅質地，有興趣可以試下煲豬肺湯，親身感受下類似嘅感覺；而肺嘅質地軟，正常照CT係顯黑色，常肺變「實」咗、硬咗，就會變白色，亦係點解話佢「花」咗，檢查報告（張片）顯示似磨沙玻璃，唔清𥇦，睇落「一撻撻」。
～～～～～～～～～～～～～～～～～～
附：
特發性肺纖維化是一種慢性、漸進性纖維化的間質性肺炎，其成因不明，主要發生於年長者，疾病範圍僅限於肺臟，且此疾病在組織病理學及影像型態上會出現一個特別的變化: 尋常性間質性肺炎(usual interstitial pneumonia,UIP)。要診斷特發性纖維化，病人必須在影像學或組織病理學上符合尋常性間質性肺炎，且已排除其他可能造成間質性肺炎的原因，像是環境因子暴露、結締組織疾病或藥物等等。
～～～～～～～～～～～～～～～～～～
治療：
暫時無法治癒，只可以用不同方法提高生活質量。必要時可能要做肺部移植。
～～～～～～～～～～～～～～～～～～
懶人包：
～～～～～～～～～～～～～～～～～～
中醫治療：
屬於#肺痿、#肺痹、#咳嗽、#喘證、#短氣、#肺脹等範疇。
以通絡、活血、化瘀、袪痰、補氣等原則，臨床隨症治療。
針灸、中藥、艾灸、推拿等手法都可用上。
中醫治療同樣以提高生活質量為主，有論文報告有效率達八成以上，主流西醫治療同時不妨參考一下中醫治療。
～～～～～～～～～～～～～～～～～～
Comentarios