胃痛
都巿人常見病呀，其實唔係，係人類有史以黎都係好常見，腸胃係日日用嘅，幾乎全天候運動無得休息，所以，臨床胃腸問題治療時間長，亦比較棘手、或者反復。
中醫都好注重脾胃，公元1200年前就有一個好出名嘅脾胃派醫家，注意喔，係有錢佬出身嘎。
而，脾胃病，係唔分貴賤，都會發生嘅事。
～～～～～～～～～～～～～～～～～～～～～
講返正題，胃痛點處理？經常脹氣嘅，可能有幽門螺旋桿菌，驗就好方便，吹口氣就驗倒，準確率都高；而胃腸瘜肉，都好常年，40歲以上就定期驗下腸胃鏡啦；胃腸動力不足，甚至反流，都唔少，注意要練腹式呼吸、腹肌、適量帶氧運動，真心好重要，好多媽媽級就係因為懷孕搞到腹肌鬆曬唔夠彈性，腸胃都差埋；好食甜品、辛辣、刺激性食品嘅，注意要食多啲養黏膜嘅食物，蛋白質、維C、維E等等好重要，平民食品蕃茄炒蛋，真係養黏膜上品呀，大家唔介意可多食，老少適宜。飲食上，都係嗰句，均衡，要乜都食，唔同種類、顏色、營養都要齊，精糧粗糧都有，蛋白質蔬果堅果都齊，少食多餐，按時食飯、注意作息，胃腸就會慢慢被保護好起黎喇。
係嘎，乜都係一句，貴在恆心。
Comments