袪皺

近日有醫美致死個案，所以想講下袪皺，針對皺紋產生嘅原因，對症下藥。

食物一定要每日補充足夠蛋白質、維他命C，另外仲有有助減少皺紋嘅例如維他命A, E，抗氧化劑。個人推薦就係暖色系生果配雞蛋，容易買到易處理，帶返公司食都勁方便。

中醫方面，就係補血、活血、養陰、健脾、補腎方面著手，湯水跟返唔同體質，想知多啲再私聊吧。另外一定要做嘅係氣機調節，情緒管理，防曬、保濕、手法面部按摩等。

肉毒桿菌流行超過十年，致死個案零星，所以大眾好容易忽略藥物有可能引起嘅毒副作用，有關肉毒桿菌嘅詳細資訊，我會留俾醫美/藥師專家講。😉😉😉

歐陽妙筠中醫生

Recent Posts

要收返幾年都唔咳一次嘅言論。曾經，呼吸系統病毒，係先有喉嚨痛、鼻塞、流鼻水、占寒占凍、頭痛，最後打唔贏先下行引起咳嗽。現今，呼吸系統病毒係，一開始就頭痛、咳嗽一齊黎，食一兩日中成藥都唔甩，要正式對證處方煲藥茶先可以成功撇甩啲病毒，成功解除頭身痛後，再要煲多兩劑茶收尾，先...

濕度83%嘅秋天⋯天氣異常，往年多天秋燥嘅陰虛體質，今年多見寒痰、濕熱。見歐陽醫生好少教煲藥湯，臨床經驗，先做好飲食均衡，補好營養，基礎都食唔掂，仲邊度抽到時間另外煲湯？唔好講煲，飲都未有時間。「每日飲食指南」要跟，每日跟唔足都最起碼每週食夠營養。...

好記得之前教月子班嘅食療同痛症，有學生嫌棄歐陽醫生寫嘅食譜太「cheap」無寫中藥喺入面，可以理解，學生學月子，就係想學識點用藥。所以我帶出，想學識用藥，甚至普通食物，先分清佢嘅歸屬四氣五味，識就用自己嘅脷去感受，唔識就上網查，搜「食物名」+「性味」二字。...