止痛藥
係好普遍嘅西藥，當中有部分係非處方類，比較容易買得到。
對於咁普遍嘅西藥，大家都仲會對佢存在好多疑惑，今日簡單寫個短篇。
對於慢性疼痛、反覆發作性疼痛，先要搵出病因，由病因著手，唔好對止痛藥產生依賴，任由疾病反覆發作。
急性疼痛、劇痛、疼痛影響生活，呢個痛，短期使用止痛藥，係必須嘅，當然，西藥由醫生處方使用更為妥當，先鎮痛，再盡快搵出致痛嘅原因，解決佢。
俾啲例子：
-反覆發作性經痛，有啲經痛係偶爾發作，劇痛難忍，最痛嗰日食一至兩次止痛藥，合理，但若有反覆發作，每個月都劇痛嚴重，必須查因，常見有子宮內膜異位症、子宮肌瘤。
-痛風，必須戒口、運動同多飲水，亂食嘢引致痛風頻發要經常使用止痛藥就太無謂了，痛風嘅痛楚發作時，係痛到食咗止痛藥都未必止住。
-肌肉、骨、關節疼痛，劇痛嚴重者，需要服用止痛藥，常見係急性期有紅、腫、熱、痛時，椎間盤突出症急性發作期。
-牙痛，紅、腫時期，都需要用上止痛藥。
服用止痛藥，使用得當，會幫助疾病康復，適合處方下短期使用，十分安全，唔會對身體構成傷害。本身有肝、腎疾病嘅，藥物更必須按醫囑使用。
中醫嘅針灸、中藥，營養醫學補充品，對鎮痛嘅效果都有其獨到嘅地方，而且安全程度超高，值得考慮。
結語：藥物喺適當處方下使用，對病情有絕對好處，唔好走去極端，一味依賴、或一味拒絕，就唔會有問題。
有興趣可以睇埋呢篇https://www.hvc.com.tw/content/210，寫得幾好嘅。
Comments