對於熟齡人群，唔知由幾時開始「長命百歲」成為討厭嘅詞語。
歐陽醫生門診嗰一刻係咁答嘅：「唔係話長命百歲唔好，但更重要嘅係『安享晚年』」。
情緒病，如抑鬱症、焦慮症、鬱燥症時有發生，發病率近年係呈上升勢，老年情緒病，主要原因有：經濟原因（退休後收入減少）、孤單感（喪偶或與家人關係疏離等）、失能（記憶減退、肌力減少、失禁等）、長期病患（三高、慢性痛症、心臟病、肺部疾患如哮喘、慢阻肺等）。
有一套台灣電影叫「老大人」，值得推介，睇完會對老年抑鬱症有更深感受。
努力嘅人會每週門診保健、每日運動、約朋友外出、參加社區活動；失意嘅人會強忍痛苦，甚至埋怨、脾氣暴躁。
中醫嘅門診係負責修復損壞咗嘅機能，例如情緒病中醫病因所指嘅：陽虛、氣滯、鬰結、絡瘀、痰阻、虛火上炎、實火等。有咗好嘅身體，不良情緒會更容易化解。
營養學好鍾意講you are what you eat，意思係平時飲食習慣斷定身體嘅好懷，其實只係啱咗一半，仲有另一半係you are how you did，意思係昨天嘅你成就今天的你，曾經嘅你睡眠時數（及質量）、運動時間（及方式、強度）、工作方式、社交、家庭，係成就今日嘅你嘅重點元素，熟齡前，工作家庭可以話「無條件」，明白，熟齡期退休後嘅你，其實係「有條件」，經濟夠，可以睇私人醫生，經濟唔允許，可以搵同善堂、鏡湖慈善會、受資助嘅社團診所，佢地一定可以提供一定質量嘅免費（或低價）醫療保健服務。
身體調節好氣血平衡，壞情緒就會自然緩解，大家多關心身邊嘅親友，無論年齡，情緒病都日漸多見。共勉之。
Comments