親戚相繼陽，國內已經缺藥，開親劑劑藥都唔齊。
退燒藥一定要備好，執唔倒中藥都最少有退燒藥可以退燒，多飲水多瞓覺。
無（或唔適合）接種疫苗嘅長期病患，到醫院會唔會即刻有得使用新冠專用藥屬未知，如果有公開新聞稿或者當值人士經驗可以提供借分享，謝謝。
同住人陽性建議全家一齊全程戴口罩，無獨立廁所可以考慮用痰罐，約好俾病人用洗手間沐浴及清潔排泄物嘅時間，病人用後必須消毒。
拎條浴巾攝背脊，甚至前後都攝浴巾，高燒退燒時會大量出汗，攝浴巾就最索汗，濕咗要換都快，掹出黎攝過條新就得。
因為會大量出汗，所以補水、補電解質、補適當熱量最緊要，戒油，可以食瘦肉粥、可以食蒸同烚嘅食物，進食以半飽為主，唔餓可以唔食只補電解質。
中醫康復用嘅稀粥其實就係淡鹽糖水，即係補液，畢竟以前無電解質水賣。
隻病毒係快黎快去，日日有變化，接種過疫苗嘅年輕人一般都會高燒，攝氏39-40度，體弱或老人年可能低燒攝氏37.6-38度，夾手指嘅血氧儀可以測量氧含量，90%以上都算安全，正常人應該係大於等於95%。
物理降溫好重要，中成藥係方便但最好問問醫生幫你辨證，西藥退燒藥聯用必須分開時間，用之前請中醫生教一教你點用。
病毒中醫分型主要屬濕，可以屬濕溫，亦有寒濕，夾風、夾虛、夾瘀。所以點解連花清瘟唔係人人啱用，吳以嶺院士係河北人，河北省屬溫帶大陸性季風氣候，全年氣溫多數喺-9度至30度之間，藥莊在河南，溫度可-27度-27度之間，而澳門屬海洋性副熱帶季風氣候，溫度多數介乎7至39度之間，濕度常年較高，唔同地方有唔同用藥特式，中藥同西藥最大不同之處就係中藥用藥必須個體化調節，當中包含氣候、水土、飲食、工作、家族史、情緒、慢性疾病史等等。
都係嗰句，永遠唔擔心臨床中醫唔識醫病，只係擔心中藥供應唔穩定，海鮮價屬正常，缺貨就麻煩。
Comments