中醫治病手段多-與-手肘內側疼痛

中醫治病段多，推拿、整脊、按摩、正骨、針灸、艾灸、拔罐、刮痧等，而導引與運動治療康復相近，中醫仲有飲食營養。

扭傷，除咗中藥外敷、按摩（俗稱噏藥、摔散佢），筋傷處理仲有針灸、中藥內服、理筋正骨、姿態調整（整脊配合運動康復）。

========

歐陽醫生門診病例：

肘關節內側疼痛，中藥外敷及用藥油按摩，結果越摔越痛，病人誤以為痛症只能「摔」，無其他治療方法。

點評：肱骨內上髁炎，主因為手腕屈肌、旋前肌過度使用，引起肌腱受傷發炎甚至微細撕裂，肌腱處梗係越摔越痛，若不當用力仲會越摔越傷添。患者前臂旋前會加重疼痛（即手掌向下翻轉嘅動作）。

治療：針灸配合前臂肌肉放鬆。基本一落針，疼痛就減，當然要耐心治療才能修復。

自行按摩：喺前臂內側（無手毛嗰邊），尾指一側（尺側），前臂近摺痕嘅肌肉，搵最酸痛/疼痛嘅地方做按摩。中醫經絡就係心經、少海穴附近。無必要唔好按關節位，如果需要用藥油，輕力搽，唔好用力捽個關節。

=========

#澳門中醫 #名之顧問 #手肘疼痛 #肱骨內上髁炎 #自行按摩 #介紹 #針灸 #跌打 #痛症