成日都講治病求因，搵倒病因，大多數疾病都唔難醫。
假性肩周炎，當肩周炎咁醫，整兩三個月都唔會好；搵倒肩痛原因：頸椎，手法治療配合飲中藥，醫兩三次已經好返八九成。
康復過程係最考驗病人對醫生嘅信任度，治療過程會重新刺激組織水腫、再發炎、再修復，過程會痛，肯信醫生，堅持落去，終究會醫好。
門診中，唯一醫唔好嘅病人係十日裏面睇八個醫生嗰啲，正因為病重、病情棘手，先至會睇完無效果。每隔三兩日就轉一個醫生，即係只有初診無覆診，無辦法將病醫好。
如果唔信某個醫生，就搵到一個值得信任嘅去就醫，堅持最起碼十次即一個療程，療程後無好轉，再另謀高就唔遲。
Comments