如何健康增重

經常講減肥，但瘦唔一定係健康，因為自己係臨床中醫生，所以同營養師減肥嘅概念多少有啲唔一樣。

有啲長年食極都無辦法增重長肉嘅人，其實都係一種困擾，至於點樣可以健康增重呢？ 食極唔肥，一定有原因，所以首先一定要排除疾病，臨床上常見有消化道問題，例如慢性結腸炎、慢性萎縮性胃炎、十二指腸球部潰瘍、慢性膽囊炎等，亦有見貧血、肝炎、代謝性疾病（例如糖尿病、甲狀腺功能亢進），或者一啲良性或惡性腫瘤病人，雖然現今衛生條件有改善，但寄生蟲感染都不能忽略。

排除疾病以後，就要檢視生活同飲食習慣，例如長期失眠、情緒病、飲食失常，都有可能導致無法增肥。

中醫方法多，顧護脾胃、情緒、睡眠，西醫理化檢查，有助確診，營養醫學介入，又能事半功倍，再有運動醫學介入，令增重之餘線條又漂亮。

肥與瘦唔係絕對健康指標，但健康人群一般都係體重與比例正常。祝福全部朋友都健康又漂亮～～～