怎樣不中風
中秋新聞，台灣年輕網紅健身達人中風，主角三十多歲，平素增肌飲食，體檢指徵正常，絕無三高，不過有家族史及長年睡眠不足，每日只睡少於六小時，多數只有三小時。
報導令我聯想到近日周老師同董所師提及嘅五勞所傷，二千年前嘅中醫巨著《黃帝內經·靈樞·喧明五氣篇》有呢一段：「五勞所傷，久視傷血，久卧傷氣，久坐傷肉，久立傷骨，久行傷筋，是謂五勞所傷。」（廣東話口講嘅「五勞七傷」，實際可追溯到東漢時期。）（七傷係指情志、環境與臟腑之間的損傷。）
五勞所指就係要人體勞逸有度，瞓太多唔郁太hea唔得，運動工作太盡都唔得，但每日門診所見，就有唔少人只為工作犧牲運動、犧牲作息或犧牲均衡飲食。
如果你想真正地獲得身體健康，就要真正實行防止五勞，唔好仗恃年輕，認為體檢指標正常，就將身體用到盡。新聞主角可幸的是，太太及時將之送院搶救，免於嚴重後遺，如果發病時耽誤了，後果則不堪設想。
Comments