脊柱側彎有無得醫？
輕微嘅脊柱側彎，係可以調正嘅。
但患者有個傾向，係肌肉好容易拉返去歪嗰度。
所以治療同時，需要適度運動康復訓練。
—————————————————————————
脊柱側彎一般唔會疼痛，所以成人求診嘅比例好低。
歐陽醫生奉行嘅醫療嘅角度係：「無不適唔洗醫，有痛必須進行解剖復位。」（即係恢復正常脊椎曲度嘅狀態，亦叫常態）
—————————————————————————
患者求診，多數因為痛，而劇痛往往係神經症狀。
神經痛係，食普通止痛藥唔見效。（神經痛要處方特殊西藥，如抗癲癇藥、抗抑鬱藥、甚至鴉片類藥，但缺點係，藥效過後又再痛。）
針灸結合整脊，對神經痛治療，係唔錯嘅手段。
針推嘅缺點係，治療過程痛，治療完成後更痛，捱過療後痛，就會迎黎康復，但，要強調嘅係，療後痛未必只有一次，而且，療後痛可以係劇痛。
—————————————————————————
附圖病人好叻，3個月嘅治療過程中（1月尾至5月初），經歷過三次療後痛，最痛嗰次痛咗兩日，兼一星期無心情落街，但肯捱過療程嘅人，就會迎黎康復。
門診止經常遇到唔肯忍痛嘅病人，亦會遇到無恆心醫病嘅病人，歐陽醫生唔可能勉強他人，但有得醫斷尾嗰啲病一定會講低「個病有得醫，搵個你信嘅醫生，耐心醫好佢。」
無得醫嗰啲病，初診就會講明，呢種病無得斷尾，門診可以做嘅係緩解疼痛、減少發作次數。
有啲病會講明一般用幾多時間醫好，亦會講有啲病無常規康復時間，最少治療幾個月先起效等等。
—————————————————————————
Commentaires