老生常談，每每一段時間就有整脊新聞。
中醫整脊學，有列明每種復位手法嘅禁忌證，例如頸椎旋提法，禁忌或慎用為：診斷于明確，未具備X光照片，排除先天畸形或骨病者；60歲以上、16歲以下，或合併脊椎骨質疏鬆者；嚴重心臟病、甲亢患者；椎間盤突出壓逼硬脊膜囊大於1/2者；頸椎手術後；頸椎陳舊性骨折脫位者；牽引下禁用；頸曲消失、反弓者。
當然病人有責任陳述自己病人，但。唔。可。以。將。個。波。推。曬。落。個。病。人。度，唔少病人真係唔識自述體質狀況。
醫生有責任引導病人導出自己病史，中醫初診問診時間詳細，女人會問經期-排除懷孕，預估骨質狀況，女性生育史可以評做骨盆、腹、腰肌受損情況，詳細病史、職業、生活習慣有助了解病人身體狀況；望診、切診，可以睇出病人心血管狀態、體質狀態，整體骨骼形態、步姿、特殊呼吸方式等，或消化系統、循環系統等概況。
初診病人會唔耐煩「喂阿醫生我黎睇痛，你應該解決我問題，而唔係問長問短又要我伸曬脷把曬脈咁，我唔要煲藥飲。」，回話係「你要唔要安全減少發生醫療事故？」。
對於唔願意拍X光嘅，主因係嫌煩、嫌貴，嫌煩嘅可以唔做脊柱整復，飲中藥、做針灸、推拿、電熱療一樣起效果，但復發率對比合併整脊治療會高好多。嫌貴嘅，唔介意過關嘅可以上大陸拍片，價錢平30-50%。最常見嘅問題係自己俾錢開驗單自己去照，拎到門診發現照到錯曬唔啱用σ(^_^;)。
脊椎整復貌似容易，但極需要耐心處理細節，提防事故發生。
———————————————————
附文+節錄：
https://skypost.ulifestyle.com.hk/article/2502909/【啪骨危機】8旬翁找脊醫啪骨斷頸亡%20家屬指控「非法殺害」不成立
「病人在接受脊醫診斷時，應先了解自己的身體狀況，而且要清楚交代所有出現在身上的痛症，千萬不要忽視輕微的痛楚，以免因此出意外，建議病人接受治療前向醫生交代：
病歷
過往手術紀錄
用藥紀錄
身上大大小小的不適之處，包括輕微的痛楚，以免忽略其他病症」
—————————————————————
Comments