針灸與陰影

針灸與陰影

　　門診經常遇到嘅係睇醫生後存在陰影，引致以後唔再想睇同一類型醫生，針灸尤其係當中嘅佼佼者。

　　針灸，通常都有酸痛，因為針感本來就需要「酸、麻、脹、痛」，但，呢種痛係令人難受定係令人舒適，係可以接受抑或不可接受嘅，就睇病症需要同醫生嘅針法。

　　一般黎講，頸腰背痛，常規針法唔會令人太痛；但肩周炎（已經有肌肉痿縮或關節活動嚴重受限者）、椎間盤突出症急性發作期，門診一般都會痛，或者帶有劇痛；急性扭錯傷，伴瘀腫、或紅熱，門診時會否致痛屬不確定，係咪一定要大力摔到啲瘀散開？。唔。需。要。，有部份嘅瘀傷要放血引流，有部份嘅瘀傷只需要輕揉按摩，甚至唔需要推按，所以都係睇情況，係又用力推唔係又用力襟嗰啲叫做唔識，唔係叫做醫病。

　　同樣地，有啲針法係無咁痛嘅，如果有針灸陰影或者絕對拒絕疼痛，門診要同醫生講好，係可以協商嘅。

　　有講低怕痛嘅前提，歐陽醫生會按疾病需要盡量使用無咁痛嘅針法或治療方式。

#澳門中醫

#澳門女中醫

#針灸

#痛

#協商

#醫患合作

#痛症

#圖片取自網絡