頭痛與咖啡因
長期飲用咖啡會引起依頼，致使停飲咖啡會產生戒斷症狀：如頭痛、疲累、昏昏欲睡、集中力降低、頭暈、易怒等。以上症狀主要納入與咖啡因相聯，即咖啡、茶、可樂、朱古力、能量飲品等都會產生依頼性。
若有發現，一日停飲咖啡奶茶等，頭痛加重時，建議正視戒斷症狀，減少攝取含咖啡因產品。
減少攝取嘅方法，建議減量攝入，不要突然暴減。例如一日四杯，逐漸減到一日三杯，往後慢慢減至一日一杯。若一日一杯，可減至一日四分三杯，慢慢減到隔日一杯，再減到可有可無。
頭痛係都巿人常見症狀，主因係文職坐位工作、集中注視電子產品時間過長，可以透過頭部穴位按壓，例如頭維、太陽、睛明、攢竹、四白、曲鬢、角孫等，用指關節背側輕揉按壓，每穴20－30秒，亦可配合頸部操，伸展頸肩繃緊肌肉群，以上兩種方法可有效舒緩頭痛。
如自行按摩無效，可以選擇針推整脊，收效比較迅速，當然，中藥嘅解肌、理氣、活血、袪風濕藥類，亦可有效減少頭痛復發。解除頸肩頭痛後，睡眠質量亦會伴隨有一定量提升。
開架類非類固醇止痛藥，亦係唔少人常備自用藥物，但需切記鎮痛藥只係起鎮痛作用， 必需根治引起頭痛嘅原因，而非類固醇止痛藥對胃腸道有一定刺激性，請勿自行長期用藥，可咨詢你信賴嘅醫生合理安排用藥。
Comments