龍脷葉湯

龍脷葉味甘性平，歸肺經，有清熱潤肺，化痰止咳功效，街巿可買到鮮品，搵唔倒鮮品可到中藥房買乾品。

常用配伍係：龍脷葉、蘋果、紅蘿蔔／龍脷葉、蘋果、羅漢果、無花果；可酌加杏仁、陳皮；喜歡湯品可加瘦肉煲。老少皆宜。

適合肺熱、咳嗽、有痰，咳嗽後期唔想續煲中藥，可以考慮飲簡單湯水。記得辨證論治好重要！

歐陽醫生啲朋友仔好叻喔，屬熱證咳嗽後期，肯落街買料煲黎飲，扺讚！（附圖係朋友家今日實拍，朋友家只有不銹鋼煲。記得切勿用鐵煲、鈦煲、銅煲；用砂煲、搪瓷煲、瓷煲或瓦煲最好。）

Recent Posts

中藥學，教授第一句就教「紅棗係補氣以生血」，係補氣藥唔係補血藥，學生嘅我銘記於心。的確，臨床上，好多人一日到黑煲紅棗水，煲到起曬暗瘡喉嚨痛，都仲強行飲緊，以為補血。造血嘅營養要有鐵、蛋白質、維他命B9&12、維他命C。仲有微量元素鈷、鎳、鋅、銅等。...

門診經常鼓勵病人多飲豆漿，眾所周知豆漿可以補蛋白，對心血管、血糖、骨骼、腸道、更年期症狀有益處。但代謝或過敏問題，就唔適合，如痛風、腎功能問題、蛋白過敏等。或有胃炎、易脹氣人士，都要慎飲。潮熱、盗汗、失眠、皮膚乾燥、骨質疏鬆嘅病人實在太多，用破壁機整豆漿只係30分鐘內嘅...