袪濕

嶺南天氣，長期袪濕係每人嘅基本操作，連續多日嘅極高濕度（相對濕度90%-100%），容易令人精神不振、困倦欲睡、身重不適、食慾下降、大便軟爛、濕疹體質加重等。

中醫基礎理論，「濕」為自然界六氣（六種氣候變化）之一，但當傷害到人體，改稱之為「邪」，即由「濕氣」轉叫「濕邪」。

濕邪特性：性質重濁黏滯，屬陰故易傷陽氣，其病性纏綿難愈。

濕邪根據染病原因分為「外濕」及「內濕」，外濕係指長居潮濕之地、淋雨等由外界因素致病，內濕係指自身問題引起疾病，根據濕嘅濃稠程度，再細分為「濕」、「痰」、「飲」。

以臟腑分：

脾（胃）濕（就係常規沿海居民講嘅濕重），症狀有脘腹脹悶、不思飲食或厭食油膩、泛噁欲吐、口淡不渴、口苦口黏、腹痛溏泄、尿赤、頭重如裹，身重困倦、肢體腫脹（或繃緊不適）、舌苔厚膩、嗜睡、夜間流涎、皮膚發癢、身熱但汗出不解、甚則面部肌膚發黃、胃中有振水聲等。對應好多疾病，如感冒、腸胃炎、胃或腸動力不足、代謝綜合症（高脂血症、脂肪肝、未算及疾病但見肌肉量偏少或易流失、基礎代謝率偏低）、消化功能紊亂-中醫食積、濕疹（異位性皮炎）、黃疸等。

肺濕（通常講痰與飲），症狀有咳嗽氣喘、痰鳴易咳，甚則胸滿不能平卧、肢體痛而沈重、肢體浮腫、小便不利。現代醫學大概係感冒、咳嗽、心力衰竭、腎衰竭之類。

心濕（通常講痰），症狀有昏迷、神智不清、喉中痰鳴等。現代醫學大概對應係情緒病（包含焦慮、抑鬱、狂燥等）、中風等。

肝濕（頂多講痰，好少講肝有濕或飲病，鼓脹已入瘀血範疇），症狀有咽中不適似有痰阻、胸脇癮痛、噯氣嘆息、易怒善鬱。現代醫學可對應咽部神經官能症-中醫梅核氣、頸椎病、情緒病（如廣泛性焦慮症）等。

腎濕（多講痰），症狀有喘逆氣促、動則尤甚、浮腫畏寒、腰膝冷痛、晨泄尿頻、腰膝酸軟等。對應比較嚴重嘅病，有腎功能不全傾向，輕病係中醫五更泄（以西醫黎講查無特別病因）、腰椎病、前列腺增生、糖尿病等。

食療或保健方法：

食療主要針對脾胃虛弱引起不適，保健方法針對心肺循環及相對濕度。

藥療請留俾中醫處理，可自行用藥但前提必須識藥理病理。

袪濕食物，多用瓜類、豆類、禾類。