敷藥

　　治療傷科痛症手段中，中藥外敷係好受歡迎嘅一個項目，因為成件事黎得好方便，將藥物調和外敷喺無傷口嘅皮膚表面，病人完全無痛楚下就緩緩地將患處嘅水腫、疼痛消除（或減輕）。

　　歐陽醫生嘅痛症門診中，甚少使用外敷藥物，其中主要原因係減少皮膚發炎過敏嘅機會，常規做法係，醫生喺治療期間已經將止痛中藥混合手法施放於患處。但遇到要求使用外敷藥物嘅病人，都會配合病人意願適當使用外敷中藥。

　　外敷中藥，門診會提示敷藥以見「痕」為極限，唔係斷鐘計，更唔係斷日計，因為病人嘅皮膚感覺係最重要嘅指標，感到痕、感到不適，就必須將藥物除去並適當洗淨，可以用飲用白燒酒（低濃度酒精）清除藥物，亦可以番梘水洗淨但一定要即刻抹乾。如果無任何不適，可以敷到藥物變乾或敷至沖涼時間將藥物袪除。

　　但扭挫傷最重要嘅必定係小關節復位，唔做好小關節復位，傷患唔會完全康復，唔做好小關節復位，傷患會容易留有「舊患」即慢性痛楚，每逢翻風落雨就會癮痛或刺痛，呢點要切記。

　　作為一名做手法多嘅醫生，容易有「痛手」伴隨，方便嘅地方係隨時可以拎黎試藥，如圖，敷咗一個鐘自調嘅外敷中藥後，痛手指嘅痛感明顯減輕咗，痛手亦方便行街黎診所賣藥嘅時候試藥，搽咗即刻止痛嘅藥就可以即時入貨，所以平時做治療用嘅中藥膏都係歐陽醫生試咗有效先用喺病人身上嘎～

#忙裏偷閑

#寫幾句

#中藥外敷

#順便自救下隻痛手

#痛手係3月極忙後遺留間中痛

#今日抽時間用唔同方法醫下佢

#療效黎自知識

#亦黎自臨床實踐

#更多謝老師近年嘅悉心指導

#實測

#痛症

#澳門中醫

#澳門女中醫