燕窩

網紅疑銷劣質即食燕窩成本不超過一元

經濟條件好嘅，鍾意食補品唔係問題，重點係產品質量。

但，食補品係咪必要呢？按身體需要作合適補充嘅就係；而按心情需要而進食嘅就唔係。

如新聞，咩人先要食燕窩呢？大部分人都唔需要。有乳腺增生、子宮肌瘤甚至腫瘤患者唔適合；有食雞蛋、肉類或飲肉湯嘅人群唔需要；有食蔬菜、水果、糙米嘅人群亦唔需要。

網絡盛傳燕窩功效及常用食物取代：

1、補肺養陰-無花果雪梨瘦肉湯。

2、補虛養胃-蘇葉蘋果茶。

3、凡病後虛弱-豬肉汁。

4、止汗-烏梅湯、浮小麥茶、白果合桃糊、電解質水⋯等等。

5、使人皮膚光滑彈性-蕃茄炒蛋、蒸水蛋、豬肉汁、生果。

6、含多種氨基酸-即是肉類、雞蛋。

7、有安胎、補胎之效-胎動不安，要考慮胎兒應否留存，留返中醫西醫處理。孕期出血唔會用燕窩醫、孕期安穩食同唔食燕窩又無大分別。

8、天然增津液的食品-增加津液係要飲足夠清水，可以煲雪梨水、木瓜雪耳水、無花果湯，甚至飲電解質水。

9、癌症-無癌症藥係用燕窩提取物，抗癌多數用菇類、蔬菜類提取物，放化療術後，注意營養均衡同腸道健康，減少攝動物脂肪，注意蛋白質吸收。

確實好鍾意食燕窩，無問題，但唔好過份迷信燕窩嘅功效就可以了。

Recent Posts