中藥代煎

歐陽醫生有同藥房合作，所以睇完內科可以煲好一袋袋中藥茶，車手送藥到澳門及氹仔巿區地面層（唔上樓）。

亦都因為「中藥代煎」呢個tag，間中收到查詢，問有無「單純代煎」，歐陽醫生會請大家轉去藥房作咨詢，歐陽醫生嘅診所內並無設立煲藥機、煲藥排氣系統及中藥百子櫃，優點係，診所真係好容易保持潔淨。

#中藥代煎

#澳門中醫

#澳門女中醫

—————————————————————————

近日香港吉鋪群備受關注，澳門都有相關吉鋪群組，好老實講，澳人北上唔係新鮮事，澳門到珠海一向零成本，同香港唔同，香港上大陸要成本，上水羅湖車費來回要成五十蚊，蓮塘嗰邊平啲，來回巴士十蚊左右，所以勁多人，澳門行過珠海係零蚊，如果有見過港珠澳地盤收工，會見倒一條大人龍直通去關閘。

講返中醫，歐陽醫生臨床多年，係見證倒澳門人有幾鍾意出大陸睇醫生，所以就會有「單純代煎」嘅問題，因為，喺大陸睇完診等煲成藥水，要等兩個鐘，所以會直接拎飲片返家，另一方面，飲片比藥水輕，更好攜帶，大陸開藥，常見係15劑、30劑咁開，藥水會比純水重少少，假設多10-20%，15-30劑嘅藥水量已經到16斤至34斤重。

澳門有邊間中藥房肯做外來飲片單純代煎，歐陽醫生唔知道，如果有資料，歡迎留言告知，可以代寫醫學博文幫病人傳播。

如果自己煎藥，可以用電子藥煲，但記得跟返醫囑，因為，煲得唔好，會直接影響藥物療效。

#附電煲圖

#歐陽醫生自己無用電子藥煲

#所以無法提供經驗分享

#附圖係近排比較流行嘅款式

#電子藥煲