龍脷葉湯

龍脷葉味甘性平，歸肺經，有清熱潤肺，化痰止咳功效，街巿可買到鮮品，搵唔倒鮮品可到中藥房買乾品。

常用配伍係：龍脷葉、蘋果、紅蘿蔔／龍脷葉、蘋果、羅漢果、無花果；可酌加杏仁、陳皮；喜歡湯品可加瘦肉煲。老少皆宜。

適合肺熱、咳嗽、有痰，咳嗽後期唔想續煲中藥，可以考慮飲簡單湯水。記得辨證論治好重要！

歐陽醫生啲朋友仔好叻喔，屬熱證咳嗽後期，肯落街買料煲黎飲，扺讚！（附圖係朋友家今日實拍，朋友家只有不銹鋼煲。記得切勿用鐵煲、鈦煲、銅煲；用砂煲、搪瓷煲、瓷煲或瓦煲最好。）

Recent Posts

門診腸胃病嘅人士佔絕大多數，俗語講「人生三得」，就係食（飲食）、瞓（睡眠）、疴（排二便）三樣都良好，「三得」好嘅人，難生病，「三得」其中一樣或以上出問題，長久以後必定病，只係「病」得唔同程度。而普遍大家對「病」嘅感覺同認知唔同，亦引致病人喺唔同深淺嘅時候求診。例如，有病人...

門診好鍾意請病人多增加肉類、豆類攝入，肌肉流失與痛症（面部皺紋）發生相關。健康人士飲食，係好均，70+都可以自己一餐食完一條魚，亦肯食肉/飲肉汁。紅肉相對易刺激身體發炎/痛風發生，豆蛋白就係相對安全嘅植物蛋白，適合素食者，適當攝取唔會增加痛風發生。常見豆類的性味與功效...