關節都係可動嘅，所以只要有郁，就會歪，但正常情況下，動作回正，關節就回正。
正常功能嘅軟組織（肌肉、肌腱、韌帶等），柔軟、豐厚而富彈性，正常嘅骨頭表面尤其係關節面，係光滑無過份增生（俗稱骨刺），係令關節可動亦可回正嘅因素。
小關節紊亂、軟組織失能，係都巿常見痛症嘅原因。
有人話，靠運動回正，無話唔得，但缺點係唔夠精準，運動唔可能只移動一個關節，要將問題關節復位，就需要依靠整脊嘅手法或工具。
亦有人話，睇整脊睇幾年，都係反覆，係因為，整脊嘅同時無幫忙處理軟組織嘅問題，過緊嘅需放鬆、過鬆嘅練緊、缺乏嘅要補充（一般門診唔會見倒營養過盛嘅人）。
只要將肌肉筋骨，以整體方式整復好，內科外科兼治，身體痛症就會減。
圖示，門診睇腰腿痛嘅病人，全數會出現小關節紊亂、軟組織失能，可以見到平趴時長短腳（超過2cm有症狀，亦可見臀溝偏離中線）、平卧時「陰陽腳」（單側腳掌外旋加重）。
Comments